Bo tambe ta eksigí hustisia pa Boneiru?

Sea bo ta biba na Ameland, Boneiru òf Valkenburg, tur hende ke pa gobièrnu protehá nos kontra e konsekuensianan di e krísis di klima. Awor i den futuro. Pero Den Haag ta hasi demasiado tiki pa protehá nos. Antó pa e habitantenan di Boneiru e gobièrnu no tin ni sikiera un plan. Esei ta bai kontra nan derechonan humano.

Habitantenan di Boneiru huntu ku Greenpeace den e kaso di klima di Boneiru ta eksigí un maneho di klima hustu:

• Gobièrnu mester kombatí e kambio di klima peligroso: duna su kontribushon hustu pa logra e meta di máksimo 1.5 grado di kalentamentu mundial i redusí e emishonnan di CO2 mas lihé. 
• Gobièrnu mester traha plannan pa protehá e habitantenan di Boneiru kontra e konsekuensianan di kambio di klima, ku ya ta ser sintí.

Nos mester mira akshon awor mes, esei ta di vital importansia.

Sí, mi ta ekspresá mi sosten pa e kaso di klima di Boneiru. Mi ta bira simpatisante i ta eksigí hustisia!